மோடி என்றால் பிசினஸ், அவரால் இந்தியாவை ஆள முடியுமா? என்ற கேள்வியுடன் தனது அட்டைப்பட கட்டுரையாக வெளியிட்ட டைம் பத்திரிகை, அடுத்து Top Times 100 2012 என்ற பட்டியலை வெளியிட்டு இருந்தது. யாரெல்லாம் இந்த பட்டியலில் இடம்பெறலாம் என்ற வாக்கெடுப்பும் நடைபெற்றது. உடனே இவரது ஆதரவாளர்கள் தினமும் பலமுறைகளில் பலமுறை இவருக்கு ஆதரவாக வாக்களித்தும் (பாராளுமன்றத்திலும் இது எதிரொலித்தது) இந்துத்துவாவின் அதீத விளம்பரத்தினாலும், தகிடுதத்தங்கள் செய்தும் இறுதியில் ஒன்றும் வேகாமல், இறைவனின் பேரருளால் அம்முயற்சி முறியடிக்கப்பட்டு அந்த பட்டியலில் அவர் இடம்பெற தகுதியானவர் அல்ல என்ற வாக்குகள் அடிப்படையில் வெளியேற்றம் செய்யப்பட்டிருக்கிறார். அது மட்டுமல்ல, பட்டியலில் இடம்பெற கூடாது என்று அதிக வாக்குகள் பெற்றவரும் அவரே. சுமார் 2,66,684 வாக்குகள் எதிர்த்து வாக்களிக்கப்பட்டுள்ளன.
அநேக பேர்களுக்கு இம்மாதிரி ஒரு வாக்கெடுப்பு நடைபெறுவதே தெரியாத நிலையில், அவருக்கு எதிராக வாக்களிக்க சமூக ஊடகம் பெரும் உதவி செய்துள்ளது என்பதை மறுக்க முடியாது. முகப்புத்தகத்தில் நானும் பகிர்ந்த போது ஒரு நண்பர் "நீங்கள் பகிர்ந்த இந்த தகவல் அவருக்கு ஆதரவும் தேடித்தரலாம், அதனால் மின்னஞ்சல் வழியாக பரப்புங்கள் என்று அறிவுறுத்தினார். அதுவும் சரியாக பட்டது. அதன் பிறகு மின்னஞ்சல் வழியாகவும் அனுப்பினேன். இதுப்போல் பலரும் பலவழிகளில் மோடிக்கு எதிரான நிலை எடுத்ததினால் சாத்தியமாகியது. அனைவருக்கும் நன்றி.
வாக்கெடுப்பு முடிவுகள் கீழே தரப்பட்டுள்ளது.
